Daxili İşlər Nazirliyi saxlanılanların sayını açıqladı
Bu gün Tbilisidə baş verən hadisələrlə əlaqədar pozuntu faktı üzrə bu mərhələdə inzibati qaydalara əsasən səkkiz nəfər saxlanılıb.
InterPress.ge xəbər verir ki, bu barədə DİN məlumat yayır.
Məlumata görə, istintaq tədbirləri ilə müxtəlif KİV-lərin 53 nümayəndəsi daxil olmaqla 55 nəfərə qarşı zorakılıq faktları aşkarlanıb.
“Daxili İşlər Nazirliyinin bu il iyulun 5-də aşkar etdiyi qanunsuz hərəkətlər və polisin onlara verdiyi cavab barədə ictimaiyyəti məlumatlandırmaq istəyirik.
Bu mərhələdə aşkar edilmiş qanun pozuntularına görə 8 nəfər inzibati qaydaya əsasən saxlanılmışdır. İstintaq tədbirləri ilə müxtəlif KİV-lərin 53 nümayəndəsi daxil olmaqla 55 nəfərə qarşı zorakılıq faktları aşkar edilmişdir.
Aşkarlanan aşağıdakı qanun pozuntuları ilə bağlı istintaq və prosessual tədbirlər davam etdirilir:
Rustaveli prospektində, media nümayəndələrinə qarşı şiddət və peşə fəaliyyətlərinə müdaxilə faktları barədə istintaq Cinayət Məcəlləsinin 154-cü (jurnalistin peşə fəaliyyətinə qanunsuz müdaxilə) və 126-cı (zorakılıq) maddələrinə əsasən aparılır.
Tbilisidə "Utancdır" və "Tbilisi Pride" Hərəkatlarının ofisinə həyata keçirilən qanunsuz faktlarla bağlı Cinayət Məcəlləsinin 187-ci maddəsi ilə istintaq aparılır. Axvlediani küçəsi 17 ünvanındakı "Tbilisi Pride" ofisi yaxınlığında baş verən hadisələrdə başqasının əmlakına ziyan vurulması və ya məhv edilməsi faktı barədə istintaq Gürcüstan Cinayət Məcəlləsinin 187-ci maddəsi ilə davam edir.
Vətəndaşlardan birinin pirotexniki vasitənin partlaması nəticəsində yaralandığı iddia edilən qeyri-hökumət təşkilatlarından birinin binası yaxınlığında müşahidə olunan qanunsuz hərəkətlər barədə Gürcüstan Cinayət Məcəlləsinin 187 və 126-cı maddələri ilə istintaq aparılır.
Daxili İşlər Nazirliyi bir daha media mənsublarına qarşı şiddət də daxil olmaqla nifrət motivli hərəkətləri qınayır. Sadalanan bütün faktlar üzrə müvafiq istintaq və prosessual tədbirlər aparılır. Zorakılıq hərəkətlərində və pozuntularda iştirak edən şəxslərin müəyyənləşdirilməsi üçün hadisələri əks etdirən materiallar araşdırılır", - deyə Daxili İşlər Nazirliyindən bildirilib.
