Peyvənd qeydiyyatı portalı istifadəyə verildi

Dünən kiber hücum səbəbiylə bağlanmış peyvəndlərin qeydiyyatı portalı istifadəyə verilib.

InterPress.ge xəbər verir ki, koronavirus peyvəndi qeydiyyatı üçün veb sayt dünən səhər bağlanmışdı.

Bu səbəbdən dünən saat 12: 00-a təyin olunan "Sinopharm" ilə aşı üçün qeydiyyata başlanıla bilməmişdi.

Səhiyyə Nazirliyi dünən peyvənd üçün qeydiyyat portalına - booking.moh.gov.ge-ə kütləvi kiber hücum edildiyini açıqlayıb.

Problemi aradan qaldırmaq üçün qeydiyyat portalında mütəxəssislər çalışmış və müvafiq qurumlar iştirak etmişdir.

Daxili İşlər Nazirliyi, peyvənd qeydiyyatı veb saytına edilən kiber hücumla əlaqədar iki maddə altında istintaq başladıb.