Gürcüstanda koronavirusa yoluxma hallarında artım müşahidə olundu

Gürcüstanda yeni növ koronavirusa (COVID-19) son 24 saat ərzində 1 026 yeni yoluxma halı qeydə alınıb.

InterPress.ge-nin xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında bildirilib.

Bununla da ölkədə virusa yoluxanların ümumi sayı 369 048 nəfərə çatıb.

Sağalanların sayına gəldikdə isə, ölkədə son 24 saat ərzində 381 sağalma qeydə alınaraq ümumi sağalanların sayı 353 612 nəfər təşkil edib.

Eyni zamanda bildirilir ki, bu gün koronavirusdan daha 12 nəfər ölüb və ölənlərin ümumi sayı 5 347 nəfər təşkil edib.

Qeyd edək ki, son 24 saat ərzində 33 002 test aparılmışdır. Bunlardan 15 024-ü sürətli antigen testi 17 987-i isə PCR testidir.