"Tbilisi Pride" həftəsinin ilk tədbiri başa çatdı - qonaqlar ərazini polis kordonu ilə tərk edirlər

"Tbilisi Pride" həftəsi çərçivəsində ilk tədbir başa çatıb. Tədbir iştirakçılarının təhlükəsizliyi hüquq-mühafizə orqanları tərəfindən qorunur, qonaqların təhlükəsiz şəkildə ərazini tərk etmələri üçün xüsusi bir dəhliz təşkil edilib.

InterPress.ge xəbər verir ki, diplomatik korpus nümayəndələrinin bir hissəsi artıq ərazini tərk edib.

Polis əməkdaşları etirazçılar ilə tədbirin qonaqları arasındakı yolu mikroavtobuslarla bağlayıblar, tədbir iştirakçılarının sözügedən nəqliyyat vasitəsi ilə ərazini tərk etmələri gözlənilir.

Patrul Polis rəhbəri Vaja Siradze tədbir yerindədir. Etirazçılar butulka və yumurta atıblar. Polis ərazidəki bir neçə nəfəri saxlayıb. Təsdiqlənmiş məlumata görə, saxlanılanların sayı 12-dir.