Gürcüstanda gənc dostunu və bacısını bıçaqladı - VİDEO

Gürcüstanın qərbində Pasxa qeyd etmələri bıçaqlanma ilə sona çatıb.

InterPress.ge xəbər verir ki , bu barədə Gürcüstan Daxili İşlər Nazirliyinin mətbuat xidməti məlumat yayıb.

Məlumata görə, Çxorotsku (Samegrelo-Zemo Svaneti bölgəsi) Kveda kəndində yerli sakin dava edərək, dostunu və bacısını bıçaqlayıb.

Hadisə mübahisə zəminində baş verib. Yaralı kişi əvvəlcə yerli xəstəxanaya aparılıb, sonra Kutaisiyə çatdırılıb. Yaralanan qıza isə həkimlər yerində kömək edib.

Faktla bağlı Gürcüstan Cinayət Məcəlləsinin 117-ci maddəsi - iki və ya daha çox şəxsin sağlamlığına qəsdən ziyan vurma maddəsi ilə cinayət işi başlanıb. Cinayət 9 ildən 13 illə qədər həbs cəzasını nəzərdə tutur.