Mixail Saakaşvili Gürcüstana gəlişi ilə bağlı açıqlama verdi
"Son bəyanatımdan başqa heç vaxt Gürcüstana gəliş tariximi, günümü və yerimi dəqiq deməmişəm. Bu yaxınlarda verdiyim açıqlamada Gürcüstana referendum üçün gedəcəyimi söylədim".
InterPress.ge xəbər verir ki, bunu Gürcüstanın keçmiş prezidenti Mixail Saakaşvili "Amerikanın Səsi"nə verdiyi müsahibəsində deyib.
Saakaşvilinin qeyd etdiyinə görə, yerli özünüidarəetmə seçkiləri üçün mütləq Gürcüstana gələcək və gürcü xalqına xəyanət etməyəcək.
“Referendumdan əvvəl və ya sonra gürcü xalqı bunu görəcək. İvanişvili üçün sürpriz olacaq, amma çox güclü bir sürpriz olacaq. Bütün təfərrüatları açıqlamayacağam, amma gürcü xalqına xəyanət etməyəcəyimi çox dəqiq söyləyirəm. Əvvəlki seçkilərdən əvvəl seçkilər bitəndə gələcəyimi demişdim. Bizim fikrimizcə və yalnız gürcü xalqının fikrincə deyil, həmçinin bütün anketlərdə bidirildiyinə görə, seçkilər saxtalaşdırılmışdı və daha sonra referendum keçirməyimizə imkan verən AB sazişini əldə etdik", - dedi Saakaşvili.
Onun dediyinə görə, 2013-cü ildən bu yana Gürcüstanda olmayıb və bu onun üçün "çətin bir şəxsi imtahan"dır.
“Həmişə dediklərimi edirəm. Bəzən məsələləri siyasi cəhətdən aydınlaşdırmaq, normal seçkilərə və normal bir keçidə nail olmaq üçün gücümüzün olduğunu düşündüm, bu imkanı zamanında hakimiyyətə vermişdik. Təəssüf ki, bu resurs demək olar ki, tamamilə tükənmiş kimi görünür. Avropa İttifaqı, vasitəçilik, amerikalıların iştirakı da daxil olmaqla qalan yeganə ümidimiz, müşahidəçilərin gəlişi ilə bunu əldə edəcəyimizdir, amma buna ümid edən insanların Gürcüstanda çox az qaldığını düşünürəm. Bütün resursların cəlb edilməsi lazımdır, indi özünə qənaət etməyin və siyasi manevrlərin vaxt deyil.
Gürcüstan üçün çox darıxıram. Darıxmamaq mümkün deyil. 2013-cü ildən bəri Gürcüstanda olmamışam, bu mənim üçün çox çətin bir dövr və çox çətin bir şəxsi imtahandır. Buna görə də, bu artıq şəxsi seçim məsələsidir, əgər Gürcüstanı sevirsənsə və mən onu çox sevirəm, həqiqətən uzun müddət bir yerdə qalmağa hazırlaşmıram. Bu Ukraynada zorla bir şey etdiyim anlamına gəlmir, bütün bölgədəki kimi əhəmiyyətli bir rol oynadığımı düşünürəm", -dedi Mixail Saakaşvili.
