Gürcüstan vətəndaşı Polşada hələ də axtarılır

Gürcüstan vətəndaşı Varşavada hələ də axtarışdadır.

InterPress.ge xəbər verir ki, 24 yaşlı Dito Xelxelauri əslən Telavi Bələdiyyəsinin Kondoli kəndindəndir və bir neçə ildir Polşada işləyir.

Yaxınlarının dediklərinə görə, onlar son dəfə Xelxelauri ilə 1 həftə əvvəl əlaqə saxlayıblar, bundan sonra onun harada olduğu barədə heç bir məlumatları olmayıb.

Onlar gəncin itkin düşməsinin Polşa qızıyla münasibətləri ilə əlaqəli ola biləcəyini, bu səbəbdən dəfələrlə təhdid mesajı aldığını irəli sürüblər.

İtkin düşən oğlanın ailəsi həm Gürcüstan, həm də Polşa hökumətlərindən kömək istəyir.