Mərkəz rəhbəri komendant saatının götürülməsi ilə bağlı açıqlama verdi

"Komendant saatının qaldırılması məsələsi bu gün müzakirə edilmədi. Bütün göstəricilər yaxşılaşsa da, bu çox yavaş bir sürətlə baş verir".

InterPress.ge xəbər verir ki, bu barədə Xəstəliklərə Nəzarət Mərkəzinin rəhbəri Amiran Qamğrelidze Koordinasiya Şurasının iclasından sonra keçirilən brifinqdə deyib.

"Yeni halların sayı 300-600-700 arasında dəyişir. Yəni bu hələlik elə bir göstəricidir ki, bu mərhələdə Xəstəliklərə Nəzarət Mərkəzi tərəfindən başqa bir yüngülləşdirmə tövsiyə oluna bilməz. Əlbətdə ki, epidemiya vəziyyətini bir həftə, 10 gün müşahidə edəcəyik və bundan sonra qərarlar veriləcək”, - dedi Amiran Qamğrelidze.