1 USD =
3.204 GEL
1 EUR =
3.8829 GEL
1 TRY =
0.3837 GEL
100 RUB =
4.432 GEL
1 AZN =
1.883 GEL
11 
Iyn
2021
12:23
130

Zurabişvili Litva Prezidenti ilə görüşdən sonra açıqlama verdi

"Litvanın vaksinlər mövzusunda bizə kömək edəcəyi və hələ dəqiqləşdirilməli olan müəyyən sayda peyvənd verəcəyi barədə söz aldıq".

InterPress.ge xəbər verir ki, bu barədə Gürcüstan Prezidenti Salome Zurabişvili, Litva Prezidenti Qitanas Nauseda ilə görüşdən sonra keçirilən brifiqdə bildirib.

Prezident Litva ilə Gürcüstan arasındakı münasibətlərin dərinləşəcəyinə ümidvar olduğunu bildirib.

Eyni zamanda Zurabişvili qeyd edib ki, tərəflər Gürcüstanda Litva günlərinin və Litvada Gürcüstan günlərinin keçirilməsi məsələsini müzakirə ediblər.

"Avropalı tərəfdaşlarımızdan bənzər həmrəylik əlamətləri almamız vacibdir, bu da əhali üçün çox şey deməkdir və çox təqdir olunacaq.

İqtisadi münasibətlərimizin daha da genişləndirilməsinin vacibliyindən də danışdıq. Turizm çox vacibdir və sərhədlərimizin aşılananlara və PCR testindən keçənlərə açıq olduğunu qeyd etdim. Gürcüstanda turizm əlaqələrinin ən qısa müddətdə bərpa edilməsi çox vacibdir, çünki bu, çox çətin dövrdən sonra iqtisadi bərpamızın çox böyük bir hissəsidir.

Mədəni əlaqələrdən danışdıq. Vətəndaşlarımız arasında daha çox mədəni əlaqələrə ehtiyac var, Litvada Gürcüstan günləri və Gürcüstanda Litva günlərinin yenidən planlaşdırılması və bununla da qarşılıqlı anlaşmanı dərinləşdirmək və gücləndirmək imkanları barədə danışdıq. Bu həm də turizmin inkişafının bir növüdür. Ümid edirəm qarşılıqlı anlaşmamızı daha da dərinləşdirəcəyik və konkret dəstək formaları tapacağıq", - dedi Salome Zurabişvili.

Bizimlə əlaqə saxlayın