Fatma Cerən Yazqan Namaxvani SES-in əleyhdarlarına müraciət etdi
"Su enerjisi və ya digər enerji mənbələri ilə bağlı qərar nə olursa olsun, Gürcüstanın enerji strategiyasının Gürcüstanın işi olduğunu unutmamaq vacibdir. Bu hökumət və xalqın qərarıdır. Buna görə də, Namaxvani SES-in tikilib-tikilməməsi ilə bağlı düşüncəm əhəmiyyətli deyil".
InterPress.ge xəbər verir ki, bunu Türkiyənin Gürcüstandakı səfiri Fatma Cerən Yazqan deyib.
Səfirin sözlərinə görə, Namaxvani SES-in tikintisinə etiraz edən insanlar şirkətin işçilərinə iş yerinə giriş imkanı verməlidirlər.
Onun sözlərinə görə, layihə ilə bağlı verilən ayrı-seçkilik ifadələrindən narahatdır.
“Buna gəlişimdən illər əvvəl qərar verilmişdi. Məni narahat edən, etirazla əlaqəli hər hansı bir ayrı-seçkiliyin olub-olmamasıdır. Şirkətin mənşəyini nəzərdə tuturam. Əgər bu belədirsə, onda problemim var, çünki bu fəxr elədiyimiz türk şirkətidir. Bu yaxşı bir şirkətdir, Türk olduğu üçün bu şirkətə qarşı ayrıseçkilik varsa, həqiqətən şikayət edəcəyəm və həqiqətən Gürcüstan xalqının, doslarımın əməkdaşlığını tələb edəcəyəm, ancaq Namaxvani SES və ya başqa bir layihənin tikilib-tikilməməsi - bu məsələ Gürcüstanın enerji təhlükəsizliyi strategiyası ilə bağlıdır. Ətraf mühitə yönəldilmiş davamlı enerjiyə ehtiyacımız var. Əgər Namaxvani belədirsə, bu layihə ilə fayda qazanacaq bölgə insanları və qərar verən insanlar danışmalıdırlar. Bununla birlikdə, Türk şirkətinə, işçilərinə qarşı hər hansı bir təhdid varsa, həmişə narahatam. Etirazda iştirak edən dostlara müraciət edirəm, bəli, etiraz etmək hüquqları var, ancaq hüquq məsuliyyət ilə müşayiət olunur. Bu səbəbdən Türk və ya gürcü işçilərini təhdid etməməlidirlər. İş yerlərinə giriş imkanları olmalıdır", - deyə Səfir Gürcüstanın Birinci Kanalına bildirib.
