Bolnisi Bələdiyyəsinin Naxiduri (Arıxlı) kəndindən qaçırılan 15 yaşlı qız tapıldı

Bolnisi Bələdiyyəsinin Naxiduri (Arıxlı) kəndindən qaçırılan 15 yaşlı qız tapılıb.

InterPress.ge xəbər verir ki, yetkinlik yaşına çatmayan qız iki günlük axtarışdan sonra Telavi polisi əməkdaşları tərəfindən tapılıb.

15 yaşlı Aisev Qarayeva özünü yaxşı hiss edir və qaçırılan oğlanla birlikdə polis bölməsindədir.

Məlumat üçün bildirək ki, bir neçə gün əvvəl Bolnisi Bələdiyyəsində gənc qız məktəbə gedərkən qaçırılıb. Daha sonra qızın ailəsi Telavi Bələdiyyəsinin Qaracalar kəndində yaşayan 20 yaşlı oğlanın evlənmək məqsədilə qızlarının qaçırdığını öyrənib və bu barədə polisə məlumat verib.

Hadisə qanunsuz olaraq azadlıqdan məhrum etmə maddəsi ilə araşdırılır.