Kobuleti və Kvariatidə dənizdə itkin düşən iki nəfər axtarılır

Xilasedicilər Kobuleti və Kvariatidə dənizdə itkin düşən iki nəfəri axtarır.

InterPress.ge xəbər verir ki, hadisə həm Kvariati, həm də Kobuleti sahilində bu gün baş verib.

Onların hansı şəraitdə itkin düşdüyü hələlik məlum deyil.

Təcili İdarəetmə Xidmətindən verilən məlumata görə, axtarış hər iki şəxs haqqında bildiriş gələn kimi başlayıb.

Əməliyyatda təxminən 30 xilasedici, yeddi dalğıc, iki qayıq və pilotsuz təyyarə iştirak edir.