Almaniyanın ucuz Eurowings hava yolu şirkəti Gürcüstan istiqamətində müntəzəm fəaliyyətə başlayır.
InterPress.ge xəbər verir ki, bu barədə Mülki Aviasiya Agentliyindən məlumat verilib.
Məlumata görə, GmbH Lufthansa Group-a daxil olan aviaşirkət uçuşlarını Düsseldorf - Tbilisi - Düsseldorf hava yolu ilə həyata keçirəcək.
"Müntəzəm uçuşlar bu il 4 iyul tarixindən etibarən aşağıdakı cədvələ uyğun olaraq həyata keçiriləcək: Düsseldorf - Tbilisi - Düsseldorf, 4 iyuldan hər həftə və 21 iyuldan yay naviqasiya mövsümünün sonuna qədər (29 oktyabr) - hər çərşənbə və bazar.
Gürcüstan İqtisadiyyat və Davamlı İnkişaf Nazirliyinin Mülki Aviasiya Agentliyi aviaşirkətə bu gün, iyun ayının 4-də müntəzəm hava fəaliyyətini həyata keçirmək üçün icazə verdi”, - məlumatda qeyd olunub.
