WizzAir daha bir neçə istiqamətdə uçuşlarını bərpa edir

Aşağı büdcəli WizzAir Georgia hava yolu şirkəti Kutaisi Beynəlxalq Hava Limanından daha bir neçə istiqamətdə uçuşlarını bərpa edəcək.

InterPress.ge xəbər verir ki, aviaşirkət artıq Varşava, Katowice, Gdansk, Riqa və Dortmund şəhərlərinə uçuşlarını bərpa edib.

Bu şəhərlərin sayına daha 3 istiqamət əlavə ediləcək.

Wizz Air bu istiqamətlərə uçuşları bərpa edəcək: Wroclaw, Vyana və Budapeşt.

Budapeştdən Kutaisi hava limanına ilk yenilənmiş uçuş 19 iyunda, Wroclaw-dan 26 iyunda və Vyanadan 29 iyunda həyata keçiriləcək.

Başlanğıcda Wizz Air həftədə iki dəfə bu istiqamətlərə uçuşlar həyata keçirəcək.