Saakaşvili: "Ukraynalıların hamısı Ukraynada kimin hansı təsirə malik olduğunu yaxşı bilirlər"
"Denis Şmiqalın tezislərini şərh etməyəcəyəm, çünki ukraynalıların hamısı Ukraynada kimin hansı təsirə malik olduğunu yaxşı bilirlər. Ukrayna siyasətinin yeni formaları mənim üçün həqiqətən məsləhətçi ola bilməz".
InterPress.ge xəbər verir ki, Gürcüstanın keçmiş prezidenti Mixail Saakaşvili, Ukrayna Baş naziri Denis Şmiqalın Interpressnews-a verdiyi müsahibəsində "Saakaşvili Ukrayna siyasətində, xüsusən də xarici siyasətdə heç bir təsirə malik ola bilməzl" şərhinə belə münasibət bildirib.
Saakaşvilinin dediyinə görə, o, yalnız erkən parlament seçkiləri ilə bağlı referenduma qatılmaqla kifayətlənməyəcək, həm də "hazırkı Gürcüstan hökumətini kənarlaşdırmaq" kampaniyasına rəhbərlik edəcək.
"Ukraynanın Baş nazirinə yalnız bir sualım var: cənab Şmiqal 7 aydır qanunsuz olaraq məhkum edilmiş və Gürcüstan həbsxanalarında olan Ukrayna dənizçilərini Gürcüstandan gətirəcəkmi? Seçkiləri saxtalaşdıran və hakimiyyəti qanunsuz olaraq saxlayan Gürcüstan hökuməti ilə bu məsələni müzakirə etdimi? Əgər o bunu etdisə, mən hər şeyi udmağa və onu alqışlamağa hazıram.
Bu payız keçiriləcək erkən parlament seçkiləri referendumunda fəal iştirak etməklə yanaşı, həm də Gürcüstandan bu hökuməti uzaqlaşdıracaq kampaniyamıza rəhbərlik etməyi planlaşdırıram. Bu məsələdə heç kim mənə diktə edə bilməz, regional bir lider və demokratik bir dövlət olan Ukraynanın bir vətəndaşı olaraq məni bu istiqamətdə heç kim məhdudlaşdıra bilməz. Ukrayna siyasətinin yeni formaları həqiqətən mənim üçün məsləhətçi ola bilməz", - dedi Saakaşvili.
Məlumat üçün bildirək ki, Ukraynanın Baş naziri Denis Şmiqalın İnterpressNews-a verdiyi müsahibəsində bildirdiyinə görə, Mixail Saakaşvili Ukrayna məsləhət qurumunda vəzifələrdən birini tutur və Ukrayna hökumətinin islahatı ilə bağlı öz təcrübəsini bölüşür, lakin "onun hökumətlə heç bir əlaqəsi yoxdur, Ukrayna siyasətininə, xüsusən də Ukraynanın beynəlxalq siyasətinə təsir etmir".
