Pravoslav Kilsəsi Müqəddəs Ninonun Gürcüstana gəlişini qeyd edir

Gürcü Pravoslav Kilsəsi Müqəddəs Ninonun Gürcüstana gəlişini qeyd edir.

InterPress.ge xəbər verir ki, bayramla əlaqədar olaraq məbədlərdə bayram ayinləri təşkil olunur.

Kilsə ənənəsinə görə, Müqəddəs Nino əslən Kapadokyadan olub. Gürcüstana IV əsrdə, Kral Mirianın dövründə gəlib. 326-cı ildə xristianlığın dövlət dini elan edilməsi onunla əlaqələndirilir.

Pravoslav Kilsəsi Müqəddəs Ninonu ildə iki dəfə anır: 1 iyun, Gürcüstana gəlişi günü və 27 yanvar ölüm günü.