İyunun 3-dək olan hava proqnozu açıqlandı

Gürcüstanda iyunun 3-dək yağmurlu hava şəraiti gözlənilir.

InterPress.ge xəbər verir ki, bu barədə məlumat Milli Ətraf Mühit Agentliyi tərəfindən yayılır.

Məlumata görə, 1 iyun günün sonundan 3 iyun səhərədək vaxtaşırı yağış yağacağı, şimşək çaxacağı, Şərqi Gürcüstanda və Qərbi Gürcüstanın dağlıq bölgələrində külək və dolu gözlənilir.

"Gözlənilən güclü yağışlar Gürcüstanın balaca çaylarında daşqınlara, ölkənin dağlıq ərazilərində isə sürüşmə prosesinin əmələ gəlməsinə-aktivləşməsinə səbəb ola bilər", - deyə məlumatda qeyd olunur.