Quşçu qalasında yenidən xaç ucaldıldı - VİDEO

Bu gün 30 may tarixində Marneuli bələdiyyəsinin Quşçu kəndində Qaqi (Ağca) qalasının üzərində xaç ucaldıldı.

InterPress.ge xəbər verir ki, bu barədə "Alilo Marneuli" Facebook səhifəsində qeyd olunub.

Məlumata görə, bu gün saat 15:00 radələrində Marneuli və Hugabi eparxiyasının episkoposu Qiorqi Gamdeliani və kilsə nümayəndələri eləcə də ziyarətçilər Marneulinin David Ağmaşenebeli adına kilsədən Qaqi (Ağca) qalası ərazisinə
yollanaraq qala üzərində xaç ucaldıblar.

Xatırladaq ki, Qaqi (Ağca) qala üzərində olan xaç 13 may tarixində naməlum şəxslər tərəfindən qırılmışdı.