Gürcüstanda yol qəzası baş verdi - Yaralanan var

Tbilisi-Senaki-Leselidze magistral yolunun Qori hissəsindəki Axalşeni kəndi yaxınlığında baş verən avtomobil qəzasında bir nəfər yaralanıb.

InterPress.ge İpn-ə istinadən xəbər verir ki, yaralı qadını təcili yardım qrupu xəatəxanaya qaldırıb. Onun ağır xəsarət aldığı bildirilir.

Məlumata görə, kərpic yüklü maşınla minik avtomobili bir-biri ilə toqquşub. Qəzada avtomobilin bir sərnişini yaralanıb.

Hazırda hadisə yerində ekspertiza işləri aparılır. Hadisə ilə əlaqədar istintaq Cinayət Məcəlləsinin 276-cı maddəsinin ikinci hissəsinə əsasən başlayıb. Bu maddə, yol hərəkəti təhlükəsizliyi və ya əməliyyat qaydalarının pozulmasını, sağlamlığa az ağır zərər vurmağı nəzərdə tutur.