İrakli Okruaşviliyə hökm oxundu

20 iyun hadisəsində təqsirləndirilən keçmiş müdafiə naziri İrakli Okruaşvili məhkəmə tərəfindən günahkar bilinərək 5 il azadlıqdan məhrum edildi.

InterPress.ge-nin məlumatına görə, qərarı Tbilisi Şəhər Məhkəməsinin hakimi Lavrenti Maghlakelidze verib.

Məhkəmə qərarına əsasən, İrakli Okruaşvili qrup zorakılığına rəhbərlik etdiyi hissədə bəraət alsa da, qrup zorakılığında iştirak etməkdə təqsirli bilinib.

Qeyd edək ki, sabiq nazir ötən ilin iyununda həbs olunub. O, iyunun 20-21-də Tbilisidə baş verən hadisələr zamanı kütləvi zorakılığın təşkili, ona rəhbərlik və iştirak etməkdə ittiham olunub.