Baş Nazir İrakli Ğaribaşvili aradan qaldırılacaq məhdudiyyətlər haqqında açıqlama verdi

İyunun 1-dən etibarən quru sərhədlər açılacaq və hava sərhədinə tətbiq olunmuş rejim quru sərhəddə də şamil ediləcək.

InterPress.ge xəbər verir ki, bu barədə Gürcüstanın baş naziri İrakli Ğaribaşvili açıqlama verdi.

Quru sərhəddən istifadə edəcək vətəndaşlar peyvəndi təsdiq edəcək sənədi və 72 saatlı mənfi PCR test cavabını təsdiq edən sənədi təqdim etməli olacaqlar. Gürcüstana daxil olacaq şəxslər isə 3 gün sonra yenidən testdən keçməli olacaqlar.

Bundan əlavə, Gürcüstan sərhədlərini açdığı ölkələrin siyahısına Kanada, Yaponiya, Küveyt, Çin, Cənubi Koreya, Moldova və Oman da əlavə edildi.

Gürcüstana daxil olan şəxslərdən öz ölkələrində və ya Gürcüstanda alınan tibbi sığortası tələb olunacaq.

İdarələrarası Koordinasiya Şurasının qərarına əsasən, epidemioloji vəziyyətin sabitləşmə tendensiyası davam edərsə, iyunun 1-dən etibarən qida müəssisələri üçün həftə sonu məhdudiyyəti tamamilə götürüləcək, yəni qida obyektləri müştəriləri həftə sonları da qapalı məkanda artıq qəbul edə biləcəklər.

Məhdudiyyətlərin yumşaldılmasına baxmayaraq sosial tədbirlərin keçirilməsinə qoyulan məhdudiyyətlər qüvvədə qalacaq.

Qurumlararası Koordinasiya Şurası bir tərəfdən iqtisadi canlanmanı asanlaşdırmaq və digər tərəfdən epidemioloji vəziyyətin kəskin pisləşməsinin qarşısını almaq üçün məhdudiyyətlərin azaldılmasına ardıcıl və ehtiyatlı yanaşma göstərir;

Qurumlararası Koordinasiya Şurası bir daha vətəndaşlara mövcud qaydalara riayət etməyə, maska taxmağa və sosial məsafəni qorumağa çağırır ki, bu da peyvəndlə birlikdə virusun yayılmasının qarşısını alan ən vacib tədbirlərdən biri olaraq qalır.