Saakaşvili: "Yalnız Qelati deyil, bütün Gürcüstan məhv olur"

"Yalnız Qelati deyil, bütün Gürcüstan məhv olur".

InterPress.ge Mtavari arxiyə istinadən xəbər verir ki, bu barədə Gürcüstanın üçüncü Prezidenti Mixail Saakaşvili açıqlama verib.

"Mənim üçün baş verənləri izləmək çox çətindir, çünki mən məhz Qelatidə David Ağmaşenebelinin məzarı üstdə Prezident andı içdim. Mən, biz Gürcüstanı sevirik. Kilsəmizi və ümumiyyətlə mədəniyyət abidələrimizi sevirəm, çünki bu mədəniyyəti bir millət olaraq yaratdığımız üçün çox qürur duyuram və bu mədəniyyətin bizimlə birlikdə yox olmasını istəmirəm, çünki millət yox olur və İvanişvili onunla birlikdə mədəniyyətimizi də silir"- dedi Gürcüstanın üçüncü prezidenti Mixail Saakaşvili.