Onuncu çağırış parlamentində fraksiya qurma qaydası dəyişir

Onuncu çağırış parlamentində fraksiya qurma qaydası dəyişir.

InterPress.ge xəbər verir ki, müvafiq dəyişikliklər bu gün Büro iclasına təqdim ediləcək reqlamentə daxil edilmişdir.

Dəyişikliklər Prosessual Komitənin rəhbərliyi İrakli Kadaqişvili və Quram Magaraşvili tərəfindən hazırlanıb.

Dəyişikliklərə əsasən, 2024 seçkilərində seçilən parlamentin səlahiyyətləri tanınana qədər, seçki bloku tərəfindən təqdim edilərək seçilmiş millət vəkili, seçki blokuna daxil edilmiş müvafiq partiyadan istefa vermiş olduğu təqdirdə, başqa siyasi partiya və ya blok tərəfindən yaradılan bir fraksiyaya üzv olmaq hüququna sahib olacaq.

Layihəyə görə, 2024-cü il seçkilərində seçilən parlamentin səlahiyyətlərinin tanınmasından əvvəl, siyasi partiya və ya seçki bloku tərəfindən təqdim edilərək seçilən millət vəkili siyasi partiya və ya seçki bloku tərəfindən tərəfsiz namizəd kimi təqdim edildiyi halda, başqa siyasi partiya və ya seçki bloku/seçki blokları tərəfindən yaradılan fraksiyaya qoşulma hüququna sahib olacaq.

Bundan əlavə, dəyişikliklər parlamentdə siyasi qrupun yaradılması məsələlərini də müəyyənləşdirir. Xüsusilə, 2024 seçkilərində seçilmiş Parlamentin səlahiyyətlərinin tanınmasından əvvəl, siyasi partiya tərəfindən təqdim edilən və seçilən Parlamentin ən azı 4 üzvü parlament siyasi qrupu qura biləcək.

Dəyişikliklərdə siyasi qrupun konstitusiya ilə müəyyən edilmiş fraksiyası hüquqlarından başqa fraksiya ilə eyni hüquqlardan istifadə edə biləcəyi deyilir. Mövcud reqlamentə görə, fraksiya qurmaq üçün yeddi millət vəkili tələb olunur. Ayrıca parlmentə daxil olan bir partiyanın üzvləri yalnız bir fraksiyaya üzv ola bilirlər