Gürcüstanda daha bir nəfərdə koronavirus aşkar edildi

Mərkəzi Universtitet Klinikasında qalan (Respublika Xəstəxanası) bir pasiyentdə koronavirus təsdiqlənib. Pasiyent koronavirusa yoluxan digər pasiyentin uşağıdır.

InterPress.ge xəbər verir ki, bu haqda məlumatı jurnalistlərə Respublka Xəstəxanasının direktoru Levan Qopodze verib..

Onun sözlərinə görə, Respublika Xəstəxanasında hazırda 47 xəstə var. Onlardan dördünün koronavirus xəstəliyi təsdiqlənib.

“İnfeksiyaya yoluxan ana-uşaq Milli Bank klasterindən deyil, onlar da daxili yayılma qurbanlarıdır və yoluxmanın mənbəyi də bilinir. Dördüncü şəxslərdən yoluxma halları bizdə hələlik yoxdur” – dedi Levan Qopodze.

Digər pasiyentlərdən üçünün pnevmoniyası var. Ümumilikdə isə, onların vəziyyətləri stabildir.