Qamğrelidze koronavirusun Hindistan ştammından bəhs etdi

Gürcüstanda koronavirusun Hindistan ştammının mümkün halları araşdırılır.

InterPress.ge xəbər verir ki, bu barədə Xəstəliklərə Nəzarət Milli Mərkəzinin rəhbəri Amiran Qamğrelidze açıqlama verdi.

Onun sözlərinə görə, Avropada yayılan İngilis ştammı Hindistan ştammı ilə əvəzlənə bilər.

“Tədqiqat davam edir, lakin hələ təsdiqlənməyib. Bu ştammın hər yerdə yayılması mümkündür, Gürcüstan da istisna deyil. Bildiyiniz kimi, Braziliya və Cənubi Afrikada ştammı kimi Hindistan ştammı Avropada da ortaya çıxdı. Proqnoz budur ki, Hindistan ştammı tədricən Avropada yayılan İngilis ştammını əvəz edəcək"- dedi Qamğrelidze.