11 
Apr
2020
10:18
2015

Bill Qeyts pandemiyanın bitəcəyi vaxtı proqnozlaşdırdı

“Microsoft” şirkətinin təsisçisi, amerikalı milyarder Bill Qeyts dünyanın yayın əvvəlində koronavirusun pandemiyasından sonra normal həyata dönməyə başlayacağını bildirib.

InterPress.ge-nin məlumatına görə, biznesmen CNBC-yə müsahibəsində bildirib ki, yay və payızda insanlar istehsal, tikinti və təhsillə tam şəkildə məşğul olacaqlar.

Lakin Qeyts qeyd edib ki, dünya əvvəlki vəziyyətinə birdən-birə qayıtmayacaq.

“Heç kəs düşünməməlidir ki, hökumət sehirli çubuğu fırladacaq və iqtisadiyyat birdən-birə pandemiyadan öncəki kimi olacaq”, - deyə “Microsoft”un təsisçisi vurğulayıb.

Qeyts hazırda onun fondunun peyvənd üzərində çalışdığını bildirib və əlavə edib ki, o, 18 aya hazır ola bilər:

“Bu, ya 95 faiz effektiv olan terapevtik vasitə, ya da geniş yayılmış preparat ola bilər”, - deyə milyarder aydınlıq gətirib.

Bizimlə əlaqə saxlayın