Son 24 saat ərzində koronavirusa yoluxanların sayı açıqladı

Gürcüstanda yeni növ koronavirusa (COVID-19) son 24 saat ərzində 1 064 yeni yoluxma halı qeydə alınıb.

InterPress.ge-nin xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında bildirilib.

Bununla da ölkədə virusa yoluxanların ümumi sayı 335 769 nəfərə çatıb.

Sağalanların sayına gəldikdə isə, ölkədə son 24 saat ərzində 1 135 sağalma qeydə alınaraq ümumi sağalanların sayı 316 389 nəfər təşkil edib.

Eyni zamanda bildirilir ki, bu gün koronavirusdan daha 29 nəfər ölüb və ölənlərin ümumi sayı 4 569 nəfər təşkil edib.

Qeyd edək ki, son 24 saat ərzində 25 564 test aparılmışdır. Bunlardan 10 888-i sürətli antigen testi, 14 676-sı isə PCR testidir.