Nazir quru sərhədlərin açılması ilə bağlı növbəti xoş açıqlama verdi

"Əminəm ki, Gürcüstanda bədbin proqnozlarla turizm gözlədiyimizdən daha sürətli bərpa ediləcək".

InterPress.ge xəbər verir ki, bu barədə Fitur 2021 Madrid Turizm Sərgisində Gürcüstan hökumət nümayəndə heyətinin üzvü Gürcüstanın İqtisadiyyat və Davamlı İnkişaf Naziri Natia Turnava açıqlama verib.

Turnavanin qeyd etdiyinə görə, bərpa yüzdə 30-dan çox, bəlkə də yüzdə 50-ə qədər olacaq.

"Çox şey qlobal pandemiyadan asılıdır, amma peyvəndləmə başlayıb, əhval-ruhiyyə çox yaxşıdır, görürük ki, fərqli ölkələrdən bir çox turist artıq ölkəmizə qonaq gəlir"- Turnava.

Nazirin sözlərinə görə, Fars körfəzi ölkələrindən, İsraildən, Avropa Birliyindən və qonşu ölkələrdən Gürcüstana gələn turist sayı artıb.

“Avropalı turistin Gürcüstana gəlməsinə marağın artdığını görürük. Quru sərhədlərlə bağlı aktiv çalışırıq və düşünürəm ki, çox ciddi nəzarətlə quru sərhədlərini təhlükəsiz şəkildə aça biləcəyik"- Natia Turnava.

Nazirin sözlərinə görə, Gürcüstanın hava bazarında uçuşların tezliyi və ölkələrin coğrafiyası, eləcə də aviaşirkətlərin sayı hər həftə artır.

Onun sözlərinə görə, yaxın vaxtlarda Avropanın ucuz hava yolu şirkəti "Eurowings" Gürcüstanda uçuşlara başlayacaq.