Nazir: "Marneuli və Bolnisi bölgələrində misli görünməmiş zəhmət tələb edən işlər görüldü"

Marneuli və Bolnisi bölgələrində yenidən koronavirusla bağlı yoxlamalar aparılır.

InterPress.ge xəbər verir ki, bu barədə Gürcüstan Səhiyyə Nazirliyinin rəhbəri Ekaterina Tikaradze keçirdiyi brifinqdə məlumat verib.

Tikaradze qeyd edib ki, həm Marneuli, həm də Bolnisi bölgəsində misilsiz gərgin işlər görülüb.

"Marneuli və Bolnisi bölgələrində misli görünməmiş zəhmət tələb edən işlər görüldü. Orada yalnız bir yoluxmuş şəxsin 150-dən çox kontaktı müəyyən edildi. Bu 150 əlaqədən yalnız 14-ü yoluxdu. Bu işin yaxşı aparıldığının təsdiqidir. Bu gün bölgə ikinci dəfə yoxlanılır, çünki virusun nisbətən gec aşkarlanması ilə xarakterizə olunduğunu bilirik və bütün yoluxmuş insanların müəyyənləşdirilməsi çox vacibdir ", - Tikaradze dedi.

Tikaradze onu da qeyd etdi ki, vəziyyəti olduqca ağır olan 62 yaşlı Marneuli sakini sağalıb və klinikanı tərk edib.