Gürcüstanda Azərbaycanın ümummilli liderinin xatirəsi yad edilir

Gürcüstanda Azərbaycan xalqının ümummilli lideri Heydər Əliyevin anadan olmasının 98-ci ildönümü qeyd olunur.

InterPress.ge xəbər verir ki, Azərbaycanın Gürcüstandakı səfiri Faiq Quliyev, səfirlik və “SOCAR Energy Georgia” şirkətinin əməkdaşları, azərbaycanlı iş adamları və ictimaiyyət nümayəndələri ulu öndərin adını daşıyan parkda onun büstünü ziyarət edərək önünə gül dəstələri düzüblər.

H.Əliyevin doğum günü münasibətilə Tbilisidəki Mirzə Fətəli Axundov adına Azərbaycan Mədəniyyəti Mərkəzində ümummilli liderin fotoşəkillərindən ibarət sərgi də təşkil olunub. Anım mərasimi iştirakçıları sərgiyə baxış keçiriblər.

Ulu öndərin xatirəsi Rustavi şəhərindəki abidəsi önündə də anılacaq.