Avropalı Gürcüstan partiyası bəyanat yayır
Davit Qareci Monastırı yaxınlığında Mtavari arxinin çəkiliş qrupuna və İveri Melaşviliyə edilən hücum İvanişvili rejiminin təşviq etdiyi və cəzasız qalan cinayətlərin təbii davamıdır.
InterPress.ge xəbər verir ki, bu barədə "Avropalı Gürcüstan" açıqlama verib.
Partiyanın qeyd etdiyinə görə bu kimi hallar hökumətin zorakılıq və təbliğat vasitəsi ilə ölkəni idarə etmək istəyini ifşa edir.
"Dünən İveri Melaşvili və Mtavari arxinin çəkiliş qrupu Qareci Monastırı yaxınlığında hücuma məruz qaldılar. Bu, İvanişvili rejimi tərəfindən təşviq edilən və cəzasız qalan cinayətlərin təbii davamıdır. Bu cinayətlərin bir hissəsidir. Bu hekayə, habelə parlamentin fəallara qarşı sərtləşdirdiyi qanunvericilik, hökumətin indiyə qədər bu ölkəni idarə etdiyi ruhu və üsullarınj dəyişdirməyəcəyini sübut edir.
Firuz Çulukidze, Rezo Çulukidze və İrakli Çelidzenin itaətkar polis və Gürcü Arzusu məhkəməsi tərəfindən həbsi eyni kontekstin ayrılmaz hissəsidir. Bu insanlar Rioni Vadisindəki etirazçılara həmrəylik ifadə etdilər. Bunun ardınca səlahiyyətlilər tərəfindən təxribat və həbslər baş verdi. Bu və bənzər hadisələr hökumətin zorakılıq, siyasi təqib, yalan və nifrət təbliğatı ilə ölkəni idarə etməyə davam etmək istəyini ortaya qoyur"-Avropalı Gürcüstan.
