Bayram günlərində Gürcüstan ərazisində yüzlərlə alkoqol sərxoşluq intoksikasiyası qeydə alınıb

Bayram günlərində bütün Gürcüstan ərazisində alkoqol intoksikasiya səbəbindən təcili yardım çağırışlarının sayı artdı.

InterPress.ge xəbər verir ki, bu barədə Fövqəladə Hallar və Təcili Yardım Koordinasiya Mərkəzindən məlumat verilir.

Verilən məlumata görə, 2 may 2021-ci il tarixindən 4 may səhər saat 10: 00-a qədər bütün Gürcüstan ərazisində 785 alkoqol sərxoşluq intoksikasiyası qeydə alınıb. Buradan 658 nəfər xəstəxanaya yerləşdirilib.

Sözügedən hallar aşağıdakı kimidir: Tbilisi - 281 xəstə, xəstəxanaya yerləşdirmə - 226. Gürcüstanın digər bölgələri - 504, xəstəxanaya yerləşdirmə - 432.

Qeyd olunan dövrdə qida intoksikasiya halları da artdı. Bu səbəbdən mərkəzə 411 zəng daxil olub ki, bunlardan 194-ü xəstəxanaya yerləşdirmə ilə bağlı olub. Qida intoksikasiya halları aşağıdakı kimidir: Tbilisi - 121 xəstə, xəstəxanaya yerləşdirmə - 27, Gürcüstanın digər bölgələri: 290 xəstə, xəstəxanaya yerləşdirmə - 167.