Gürcüstanda 60 yaşdan yuxarı vətəndaşlara peyvənd olunması planlaşdırılır

Gürcüstanda 60 yaşdan yuxarı olan vətəndaşların pnevmokok infeksiyasına qarşı peyvənd olunması planlaşdırılır.

InterPress.ge xəbər verir ki, bu barədə ölkənin səhiyyə naziri Ekaterina Tikaradze “Rustavi 2” kanalına bildirib.

Onun sözlərinə görə, mütəxəssislər Gürcüstanda ən çox yayılan ölüm səbəbinin pnevmoniya olduğunu müəyyən ediblər.

Nazir deyib ki, avropalı həmkarlar və həmçinin bir sıra aparıcı ölkələrin nümunəsi əsasında Gürcüstanda reallaşdırılacaq bəzi tövsiyələr qəbul edilib.

E.Tikaradze peyvənd olunacaq şəxslərin siyahısının artıq hazır olduğunu qeyd edib.(report)