Marneulidə daha bir nəfərdə koronavirus aşkarlandı

Marneulidəki “Geo Hospitals” klinikasında bir nəfərdə koronavirus təsdiqlənib.

InterPress.ge xəbər verir ki, bu haqda “Geo Hospitals”-ın kliniki direktoru Tata Şenqelaia “Marneuli” radiosu ilə söhbəti zamanı bildirib.

Məlumata görə, 4-5 aprel tarixlərində klinikaya koronavirus simptomları ilə 6 pasiyent gətirilib. Onların analizlərinin cavabları bu gün, 6 aprel tarixində məlum olub.

“Marneuli rayonundan bir nəfərdə – 55 yaşlı qadında virus aşkarlanıb. O, artıq Tbilisiyə aparılıb. Digər pasiyentlərdə virus təsdiq olunmayıb”, – Tata Şenqelaia dedi.