Gürcüstanın avia bazarına yeni avia şirkət daxil olur

Bu gündən etibarən yeni aşağı büdcəli "Bees Airline" aviaşirkəti Gürcüstan aviasiya bazarında müntəzəm fəaliyyətə başlayacaq.

InterPress.ge xəbər verir ki, bu barədə Mülki Aviasiya Agentliyi məlumat verib.

Verilən məlumata görə, 30 aprel - 13 iyun tarixləri arasında Ukrayna aviadaşıyıcısı həftədə iki dəfə Kiyev-Tbilisi-Kiyev istiqamətilə uçuşlar həyata keçirəcək. 13 İyun - 5 Oktyabr tarixlərində uçuşlar həftədə 1 dəfə davam edəcək, 5 Oktyabrdan 29 Oktyabr tarixində isə həftədə 3 dəfə müntəzəm uçuşlar həyata keçiriləcək.

“Aviaşirkətə bu il 29 aprel tarixində fəaliyyət göstərmək üçün lisenziya verilib. Xahiş edirik unutmayın ki, epidemioloji vəziyyətə görə dövlətlər tərəfindən sərhəd məhdudiyyətləri və sanitariya tələbləri vaxtaşırı dəyişdirilir, bu da hava yollarının bu və ya digər istiqamətdə hava nəqliyyatının başlaması, uzadılması və ya yenilənməsi ilə bağlı qərarlarında əks olunur. Vətəndaşları səyahətlərini planlaşdırarkən diqqətli olmağa, ölkələr tərəfindən qoyulmuş sərhəd və sanitariya qaydalarını, hava yolu bildirişlərini, rəsmi mənbələrdə yerləşdirilən elanları və cədvəlləri diqqətlə oxumağa çağırırıq”-deyə Mülki Aviasiya Agentliyinin açıqlamasında bildirilir.