ABŞ səfirliyi: "Dəyişikliklərin sürətləndirilmiş şəkildə qəbulu lazımsız və faydasız idi"

"Bu gün hakim partiya tərəfindən Gürcüstanın İnzibati Məcəlləsinə dəyişikliklərin tələsik qəbul edilməsi bizi çox məyus etdi. Bu dəyişikliklərin sürətləndirilmiş şəkildə qəbulu lazımsız və faydasız idi".

InterPress.ge xəbər verir ki, bu barədə ABŞ-ın Gürcüstandakı səfirliyi Facebook səhifəsində yazıb.

“Müxalifət partiyaları, vətəndaş cəmiyyəti və digər maraqlı tərəflərlə dərin məsləhətləşmələrin olmaması bu dəyişikliklərin məqsədi ilə bağlı suallar doğurur. Gürcüstanın siyasi liderləri arasındakı 19 aprel razılaşması, tərəfləri Gürcüstanın demokratik inkişafına xələl gətirən dərin qütbləşməni azaltmaq üçün vicdanla birlikdə hərəkət etməyə çağırır. Parlament çoxluğu olaraq Gürcü Arzusu, 19 aprel razılaşmasını bu ruhda həyata keçirmək, şəffaf və əhatəli şəkildə idarə etmək üçün xüsusi məsuliyyət daşıyır. Bu cür vacib qanunvericiliklə bağlı maraqlı tərəflərlə hərtərəfli məsləhətləşmələrin aparılmaması səbəbindən hakim partiya bu vəziyyətdə ümidləri doğrultmadı.

Artıq Gürcüstanda müxtəlif seçicilər tərəfindən səs verilən çoxpartiyalı parlament var. Gürcü Arzusu başda olmaqla, bütün partiyaların parlamentdə Gürcüstan xalqı üçün prioritet məsələləri həll etmək üçün birlikdə işləmə vaxtı gəldi" - səfirliyin açıqlamasında deyilir.