Türkiyə Müdafiə Nazirliyi İncirlik bazasının kimə məxsus olduğunu açıqladı

Türkiyənin Milli Müdafiə Nazirliyi İncirlik hərbi bazasının istifadəsi ilə bağlı açıqlama yayıb.

Bu barədə “Haber Global” məlumat yayıb.

“İncirlik bazasında müəyyən müəssisələrin istifadəsi Türkiyə ilə ABŞ arasında 29 mart 1980-ci il tarixində imzalanan Müdafiə və İqtisadi Əməkdaşlıq Anlaşması əsasında aparılır. Bu anlaşmada deyilir ki, Türkiyə Respublikası hökuməti İncirlikdəki Türkiyə Silahlı Qüvvələri müəssisələrində birgə müdafiə tədbirlərində iştirak üçün ABŞ hökumətinə icazə verir.

İncirlik bazası TSQ-yə aid Hərbi Hava Qüvvələrimizin bazalarından biridir, Türkiyənin bazasıdır, üzərindəki bütün müəssisələrlə birlikdə Türkiyə Respublikası dövlətinə aiddir”, - deyə Türkiyə MN-dən bildirilib.