Azərbaycanın Dövlət Təhlükəsizliyi xidmətinin rəhbəri Gürcüstanda səfərdədir

Gürcüstanın baş naziri İrakli Ğaribaşvili Azərbaycanın Dövlət Təhlükəsizliyi xidmətinin rəhbəri Əli Nağıyevlə görüşdü.

InterPress.ge xəbər verir ki, bu barədə Baş nazirin mətbuat xidməti məlumat verir.

Görüş çərçivəsində təhlükəsizlik mövzusunda əməkdaşlığın əsas istiqamətləri müzakirə olunub. Eləcə də Gürcüstan və Azərbaycanın təhlükəsizlik xidməti arasında mövcud olan sıx əməkdaşlığın əhəmiyyətindən də bəhs edilib.

Hökumət administrasiyasında baş tutan görüşə Azərbaycanın fövqəladə və səlahiyyətli səfiri Faiq Quliyev, Azərbaycanın Dövlət Təhlükəsizliyi xidmətinin beynəlxalq departamentinin rəhbəri Faiq Eynullayev, Gürcüstan tərəfindən- Dövlət Təhlükəsizliyi Xidmətinin rəhbəri Qriqol Liluaşvili qatılıb.