AB-nin Gürcüstandakı nümayəndə heyəti bütün seçilmiş millət vəkillərinə çağırış etdi

Razılaşdırılmış şərtlərə uyğun olaraq razılaşmanın həyata keçirilməsi üçün növbəti addımları gözləyirik.

InterPress.ge xəbər verir ki, bu haqda AB-nin Gürcüstandakı nümayəndə heyətinin Avropa Birliyinin vasitəçiliyi ilə 19 aprel razılaşmasının həyata keçirilməsinə dair bəyanatında deyilir.

AB-nin Gürcüstandakı nümayəndə heyəti bir daha bütün seçilmiş millət vəkillərini razılaşmaya qoşulmağa çağırıb.

“Gürcüstanın siyasi liderləri tərəfindən 19 aprel tarixində əldə olunmuş razılığa uyğun olaraq verilən qərarları səmimi qəlbdən alqışlayırıq. Bu gün müxalifət partiyaları tərəfindən müqaviləni imzalayan şəxslər Gürcüstan vətəndaşları adından parlament işində iştirak etmək üçün Parlamentə daxil oldular. İqtidar və müxalifət partiyaları ortaq şəkildə yeni spiker seçdilər və siyasi olaraq qəbul edilən ədalət sistemi ilə bağlı qanun layihəsi hazırlayırlar. Gürcüstan Prezident bu öhdəliyi yerinə yetirmək üçün öz konstitusiya səlahiyyətlərindən istifadə etdi.

Bunlar xeyli siyasi cəsarət tələb edən çətin qərarlar idi. Gürcüstanın demokratik və qanunun aliliyi gündəmini inkişaf etdirmək üçün razılaşdırılmış tarixlərə uyğun olaraq razılaşmanın həyata keçirilməsi üçün növbəti addımları gözləyirik.

Bir daha seçilən bütün parlament üzvlərini razılaşmaya qoşulmağa və Gürcüstan, vətəndaşları, AB-Gürcüstan münasibətləri və Gürcüstanın Avroatlantik gələcəyi mənafelərinə uyğun olaraq həyata keçirilməsini təşviq etməyə çağırırıq", - deyilir bəyanatda.