Hökumət bəyanat yayır - Yeni qərarlar qəbul edildi

Gürcüstan Hökuməti Administrasiyası Namaxvani SES-in tikintisi ilə bağlı davam edən proseslərlə əlaqədar qəbul edilmiş qərarları yayımlayır.

InterPress.ge xəbər verir ki, bu barədə Hökumət administrasiyası məlumat verir.

Verilən məlumata görə, Ədliyyə Nazirliyinə Baş Nazirin təlimatı ilə Enka ilə müqaviləni öyrənmək tapşırılıb. Bundan əlavə, Ədliyyə Nazirliyi müqavilənin şərtlərinin beynəlxalq təcrübəyə uyğunluğunu öyrənmək üçün beynəlxalq bi şirkətlə əməkdaşlıq edəcək.

Gürcüstan Hökumətinin dəvəti ilə AB Enerji İttifaqının Səlahiyyətli Nümayəndəsi qeyri-hökumət sektoru ilə vasitəçilik prosesində iştirak edəcək. Namaxvani SES-in ətraf mühitə təsirini öyrənmək üçün beynəlxalq mütəxəssis çalışacaq.

Açıqlamaya görə, Gürcüstan hökuməti "Enka" şirkəti ilə anlaşmanın şərtlərini aydınlaşdırmağa davam edəcək. Layihəni başa çatdırmaq üçün hökumət yaxın vaxtlarda şirkət rəhbərliyi ilə görüşlər keçirəcək.

Hökümət rəhbərliyi bəndin tikintisinə 9-12 ay müddətində ətraf mühit, geoloji və seysmoloji tədqiqatlar nəzərdən keçirilərək yenidən təsdiqlənənədək moratorium qoyulduğunu bildirir.

“Bu mərhələdə şirkət mövcud inşaat icazəsi çərçivəsində yalnız infrastruktur sahəsindəki layihənin birinci mərhələsinin hazırlıq işlərini davam etdirəcək.

Gürcüstan Hökuməti prosesi dialoq formatında davam etdirməyə hazır olduğunu təsdiqləyir və bu müddətdə razılaşmanın hər bəndinin şərtləri müzakirə ediləcək və cavabsız sual qalmayacaq.

Bundan əlavə, polis Namaxvani SES-in yaxınlığındakı əlavə maneələri aradan qaldıracaq və ərazidəki hüquq-mühafizə orqanlarının sayını azaldacaq. Ərazidəki təhlükəsizlik vəziyyətinə görə ərazidə yalnız lazımi sayda polis qalacaq.

"Etirazçılara, qanun çərçivəsində çadır qurmaq, aksiyalar keçirmək, etiraz etmələri üçün bir yer seçmək imkanı veriləcək"- məlumatda bildirilir.