Laqodexidə “Energo Pro Gorgia”nın əməkdaşı faciəvi şəkildə öldü

Laqodexidə “Energo Pro Gorgia”nın əməkdaşı öz iş vəzifəsini yerinə yetirərkən dünyasını dəyişib.

InterPress.ge xəbər verir ki, bu barədə “Energo Pro Gorgia”nın Kaxeti filialından məlumat verilib.

Hadisə Kartuban kəndində 59 yaşlı kişi əsən külək nəticəsində xarab olmuş elektrik xəttini bərpa edərkən baş verib.

Yayılan məlumata görə, kişi aldığı şok nəticəsində xəstəxanaya aparılarkən yolda dünyasını dəyişib. Ölüm səbəbini dəqiqləşdirmək üçün ekspertiza müvafiq prosedurlar aparır.