Nika Melia etirazçıları həbsxana pəncərəsindən salamladı

Nika Melia “Vahid Milli Hərəkat”ın üzvləri və tərəfdarlarının Nika Meliaya həmrəylik aksiyası təşkil etdiyi Rustavi həbsxanasının pəncərəsindən aktivistləri salamlayıb.

lnterPress.ge xəbər verir ki,"Heç kim Nikanın azadlığı ilə ticarət edə bilməyəcək" şüarı ilə Rustavi həbsxanası qarşısında aksiya keçirilib.

Onların sözlərinə görə, "tezliklə Nika Melia həbsxananı ləyaqətlə tərk edəcək”.

Etirazçılar, Nika Melia ilə yanaşı digər siyasi məhbuslarla da həmrəy olduqlarını ifadə ediblər.

Aksiyada Gürcüstanın dövlət himni səsləndirilib. Etirazçılar havaya fişəng atıblar.