Texniki Universitetin tələbələri aclıq aksiyası keçirir

Gürcüstanın Texniki Universitetinin tələbələri rektor Davit Qurqenidzenin istefası tələbi ilə aclıq aksiyasına başlayıblar.

lnterPress.ge xəbər verir ki, tələbələr Davit Qurqenidze vəzifəsindən azad edilənə qədər etiraz aksiyasını keçirəcəklərini bildiriblər.

“Biz, Gürcüstan Texniki Universitetinin tələbələri rektor Davit Qurqenidzeyə qarşı etiraz edirik. Dəfələrlə məhkum olunub və indi olduğu yerə layiq deyil. Aclıq aksiyasına keçirik və bu adam vəzifəsindən ayrılana qədər universitet binasında olacağıq", - dedi aksiya iştirakçısı.