Gürcüstanda koronavirusa yoluxma sayında artım müşahidə olundu

Gürcüstanda yeni növ koronavirusa (COVID-19) son 24 saat ərzində 1 792 yeni yoluxma halı qeydə alınıb.

InterPress.ge-nin xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında bildirilib.

Bununla da ölkədə virusa yoluxanların sayı 297 728 nəfərə çatıb.

Sağalanların sayına gəldikdə isə, ölkədə son 24 saat ərzində 663 sağalma qeydə alınaraq ümumi sağalanların sayı 282 237 nəfər təşkil edib.

Eyni zamanda bildirilir ki, bu gün koronavirusdan daha 10 nəfər ölüb və ölənlərin ümumi sayı 3 959 nəfər təşkil edib.

Qeyd edək ki, son 24 saat ərzində 30 940 test aparılmışdır. Bunlardan 22 256-sı sürətli antigen testi, 8 684-ü isə PCR testidir.