Aleksandre Mocerelia: "Bu gün Gürcüstanın qarşıdurmaya son qoyulmasına və yeni gündəliyə ehtiyacı var"

Qiorqi Qaxaria-nın komandasinin üzvü və ortağı olaraq bu gündən etibarən müstəqil millət vəkili kimi işimi davam etdirəcəyəm’’.

InterPress.ge xəbər verir ki,bu barədə millət vəkili Aleksandre Mocerelia, Gürcü Arzusu partiyasından ayrıldıqdan sonra keçirilən brifinqde qeyd etdi.

Onun sözlərinə görə, bu gün Gürcüstanın qarşıdurmaya son qoyulmasına və yeni gündəliyə ehtiyacı var.

“Bildiyiniz kimi, biz Gürcü Arzusu partiyasından ayrılmağa qərar verdik. Qiorqi Qaxaria komandasının üzvü və həmfikiri olaraq müstəqil majoritar millət vəkili kimi bu gündən etibarən işimi davam etdirəcəyəm. Partiya quruculuğu prosesində də fəal iştirak edəcəyəm. Bu gün Gürcüstanın bu qarşıdurmaya son qoyulması və yeni gündəliyə ehtiyacı var. Unutmamalıyıq ki, ölkəmizin ən kəskin problemi işğaldır. Pandemiya, iqtisadi böhran səbəbindən məcburi köçkünlərimizin vəziyyəti getdikcə ağırlaşır, buna görə də vəzifəmiz bu insanlara xüsusi qayğı göstərməkdir. Bu gün ölkəmizin dövlət quruculuğunda, güclü dövlət qurumlarında, bölgələrin gücləndirilməsində yeni bir mərhələyə keçməsi lazımdır. Vətəndaşlarımızın tələblərini dinləməliyik, onlarla fəal ünsiyyət qurmalı və uyğun təsirli addımlar atmalıyıq ‘’- dedi Aleksandre Mocerelia.