Ermənistan prezidenti Gürcüstana gəlir

Ermənistan Respublikasının Prezidenti Armen Sarkisyan sabah Tbilisiyə rəsmi səfərə gələcək.

InterPress.ge xəbər verir ki, Ermənistan Respublikası Prezidenti Armen Sarkisyan və Nune Sarkisyanın rəsmi qarşılanma mərasimi aprelin 15-də Orbeliani Sarayında keçiriləcək.

Rəsmi səfər çərçivəsində Ermənistan prezidenti ilə Gürcüstan prezidentinin üz-üzə və genişləndirilmiş görüşü planlaşdırılır, bundan sonra Armen Sarkisyan və Salome Zurabişvili mətbuata birgə açıqlamalar verəcəklər.

Ermənistan Respublikası Prezidenti ilə Gürcüstan Parlamentinin sədri arasında da görüş planlaşdırılır.

Rəsmi səfər zamanı Ermənistan prezidenti Erməni Katedralini ziyarət edəcək.