Ərdoğan Ğaribaşviliyə: "Sizin sağalmağınız üçün səylərimizi əsirgəməyəcəyik"

Türkiyə Respublikasının Prezidenti Rəcəb Tayyib Ərdoğan Gürcüstanın Baş naziri İrakli Ğaribaşviliyə tez bir zamanda sağalmasını diləyib.

InterPress.ge xəbər verir ki, rəsmi məktubda Prezident Ərdoğan, lazım gələrsə müalicə müddətində dəstək üçün hazır olduğunu bildirib.

"Hörmətli Baş nazir, əziz dostum, kovid-19 testinizin müsbət nəticələndiyinə görə çox təəssüflənirəm. Tez bir zamanda sağalmağınızı və tam yaxşılaşmağınızı diləyirəm. Müalicə zamanı yanınızda olduğumuzu və sağalmağınız üçün səylərimizi əsirgəməyəcəyimizi bilməyinizi istəyirəm.

Fürsətdən istifadə edərək Zati-alinizə cansağlığı və xoşbəxtlik, dost Gürcüstan xalqına isə rifah və firavanlıq diləyirəm", - deyib Rəcəb Tayyib Ərdoğan.