Xalq Müdafiəçisi: "Danışıqlarla bağlı müəyyən məsələlərin ictimaiyyətə çatdırılması yaxşı olardı”

“Həddindən artıq siyasi spekulyasiya baş verir. Nə vaxtsa danışıqlarla bağlı müəyyən məsələlərin ictimaiyyətə çatdırılması yaxşı olardı”.

InterPress.ge xəbər verir ki, bu haqda Xalq Müdafiəçisi Nino Lomcaria deyib.

Onun sözlərinə görə, danışıqlarda iştirak edən vasitəçilərlə yanaşı siyasi partiyanın nümayəndələri ilə də görüşməyə hazırdır.

“Tərəflərlə görüşməyə hazıram - həm siyasi partiyalar, həm də vasitəçilər. Onlarla ayrıca görüşlərim və ünsiyyətim var idi. İctimai Müdafiəçi kimi mövqeyim budur ki, Avropa Şurası Prezidentinin tərəflərə təqdim etdiyi 6 maddəlik çərçivə-razılaşmasında ölkədəki insan hüquqları standartına çox əhəmiyyətli təsir göstərən çox vacib məsələlər var. Bu məhkəmə islahatı, hüquq-mühafizə orqanlarının müstəqilliyini təmin etmək, ədalətli məhkəmədir. Düşünürəm ki, danışıqlar prosesində bu məsələlərdə razılığa gəlmək vacibdir.

Razılığın əldə olunmasını gözləyirəm. Hər hansı bir partiya, ölkə üçün vacib olan mövzularda addım atmağa hazır olduğunu bildirməzsə, bu halda ictimaiyyətin bu siyasi partiyanın kim olduğunu bilmək üçün qanuni bir hüququ olacaqdır. Hər hansı bir mərhələdə danışıqlarla bağlı bəzi məsələlərin açıq elan edilməsi yaxşı olar. Həddindən artıq siyasi spekulyasiya baş verir. Düşünürəm ki, cəmiyyət razılıq istəyir", - bildirib Nino Lomcaria.