Qamğrelidze: "Koronavirusa qarşı aşılananlara bəzi təşviq tədbirləri planlaşdırıla bilər"

"Koronavirusa qarşı aşılananlara bəzi təşviq tədbirləri planlaşdırıla bilər".

InterPress.ge xəbər verir ki, bu barədə Milli Xəstəliklərə Nəzarət Mərkəzinin rəhbəri Amiran Qamğrelidze deyib.

Onun sözlərinə görə, Xəstəliklərə Nəzarət Mərkəzi bu məsələ üzərində çalışır və İdarələrarası Koordinasiya Şurasının növbəti iclasında konkret təkliflər təqdim edəcək.

“Milli Xəstəliklərə Nəzarət Mərkəzi təşviqlər üzərində ciddi şəkildə çalışır. Yəqin ki, bazar ertəsi-çərşənbə axşamı Koordinasiya Şurasına paketi təqdim edəcəyik. Aşıyı məcbur edə bilmərik, amma dolayı mandatizm mexanizmi onsuz da bir çox ölkədə mövcuddur. Məsələn, bəzi aviaşirkətlər insanlar aşılanmadığı təqdirdə bilet satmırlar. Həmçinin bir çox ölkə, insanların ikiqat peyvənd sertifikatı olmadığı təqdirdə girişlərini əngəlləyə bilər. Hər kəsin aşılandığı təhlükəsiz xəstəxana kimi bir çox təşviq düşünürük. Bu, pasiyent getdikdə daxili infeksiyanın ötürülmə şansının az olması deməkdir. Deyək ki, təhlükəsiz qonaq müəssisələri, restoranlar. İşçilər peyvənd olunursa, restoranda oradakı hər kəsin peyvənd olunduğunu təsdiqləyən bir təşviq verilə bilər. Təhlükəsiz ticarət mərkəzləri, təhlükəsiz məhsul mağazaları, təhlükəsiz kurortlar, otel işçilərinin olacağı yerlər və s. Bizneslə bu barədə danışmağı da düşünürük.

Milli Xəstəliklərə Nəzarət Mərkəzi bu mövzular üzərində çalışır və düşünürəm ki, bazar ertəsi və ya çərşənbə axşamı tövsiyələrimizi növbəti Koordinasiya Şurasının iclasında təqdim edəcəyik və bəlkə də biznesin özü motivasiya etmək üçün təkliflərlə çıxış edəcək, çünki nə qədər çox aşılanmış insan olsa, biznes daha çox açılacaq", - Qamğrelidze bildirib.