Mərkəz rəhbəri komendant saatı ilə bağlı açıqlama verdi

"Hərəkət məhdudiyyəti epidemiyaya qarşı mübarizədə ən təsirli silahlardan biridir".

InterPress.ge xəbər verir ki, Milli Xəstəliklərə Nəzarət Mərkəzinin rəhbəri Amiran Qamğrelidze bu barədə Gürcüstan Birinci Kanalına danışıb.

Amiran Qamğrelidzenin qeyd etdiyinə görə, hərəkət məhdudiyyəti məsələsi Koordinasiya Şurasının iclaslarında da müzakirə olunur.

“Bu məsələ həftədə bir dəfə keçirilən Koordinasiya Şurasının hər iclasında Baş nazirlə həmişə müzakirə olunur və bu, epidemioloji vəziyyətdən asılıdır. Epidemiya vəziyyətinin necə olacağından və dinamikasından asılı olaraq qərar veriləcək, çünki hərəkət məhdudiyyəti epidemiya ilə mübarizədə ən təsirli silahlardan biridir", - deyə Amiran Qamğrelidze söyləyib.